Server
Us der alemannische Wikipedia, der freie Dialäkt-Enzyklopedy
| Sälle Artikel handelt von ere Software; für de umgangsschprochlich fälschlicherwies au für d' Hardware benutzte Begriff, lueg Host (Informationstechnik). |
E Server isch e Programm, welis uf d' Kontaktufnahm vom e Client-Programm wartet un noch Kontaktufnahme mit sällem Nochrichte ustuscht.
Inhaltsverzeichnis |
Bemerkige
Di Kommunikation erfolgt drbie noch em Client-Server-System. In dr Informationstächnik isch de Gegesatz zuem Client-Server-Prinzip es Peer-to-Peer-Prinzip.
Di Regle, die 's Format sowie d' Bedütig vo dr zwüsche Server un Client ustuschte Nochrichte bschtimme, nennt me Protokoll.
D' Hardware, uf der ei odr mehreri Server laufe, bezeichnet me als Hoscht.
Lut Hansen/Neumann, Arbeitshandbuch Wirtschaftsinformatik, 6. Aufl., S. 326 isch e Server au e Rächner, "uf dem e Serverprogramm lauft".
Bischpiel
Server, die 's HTTP-Protokoll implementiere, wärden als HTTP-Server bezeichnet. De Zuegriff erfolgt übr HTTP-Clients. Näbe nem HTTP-Protokoll gits no wieteri sognennti Web-Protokoll wie z.B. HTTPS. Di bekannteschte interaktive Web-Clients sin zuer Zit dr Internet Explorer un dr Mozilla Firefox, di alli gängige Web-Protokolle behärrsche.
Server, di en Protokoll zuer Dateiübertragig implementiere, wärde allgemein als Datei-Server odr File-Server bezeichnet. Di am hüfigschte verwändete Dateiübertragigsprotokoll sin FTP, SFTP, NFS un SMB/CIFS.
Verfuegbarkeit un Clustering
E Server lauft entweder permanent (daemon mode) odr wird uf Afrag vo me Client gschtartet (vgl. man 4 inetd.conf). Um d' Usfallsicherheit un Leischtigsfähigkeit z'verbässere könne mehreri Server als Cluster zämmegschaltet wärde. Sälli könne sowohl uf einem als au uf mehrere Hoschts verteilt si. Cheie ei odr mehreri Server us, so übernämme di no vorhandene Server di Afroge vo dr Clients.
Weiteri Bischpiel
- Mit Print-Server (Drucker-Server) chönne Benutzer uf entfärnte Drucker drucke.
- Mit Timeserver (Zeitserver, Network Time Protocol-Server) chönne si ihri Rächneruhre synchronisiere.
- Mailserver (E-Mail-Server) un Newsserver sin für d'Kommunikation do.
- Root-Server sin di wichtigschte Nameserver vom Domain Name System.
- Uf Spieleserver (Gameserver) chönne mehreri Schpieler gemeinsam odr gegenenand schpiele.
- Mit eme Streaming-Server cha me z.B. Internetradio usschtrahle.
- Datenbankserver verwalte eini odr mehreri Datenbanksystem.
- vServer sin emulierti Serversystem. Es laufe mehreri vServer uf eim Server.
- Webserver sin Serverdienscht, wo 's HTTP-Protokoll uf eme Rächner zuer Verfügig schtelle.
- E Proxy-Server schtellt zwüschegschpeicherti Informatione für anderi Computer zuer Verfügig.
- E Dateitransferdienscht bzw. File-Transfer-Server ermöglicht d' Übertragig vo Dateie zwüsche Computer. 'S bekannteschti un meischtgnutzti TCP/IP-Protokoll überhaupt isch FTP.
- E Dateizuegriffsdienscht bzw. Network-File-System erlaubt 's Bearbeite vo entfärnte Dateie über e Client. Im allgemeine sin au konkurrierendi Zuegriff möglich. Im Gegesatz zue me Dateitransferdienscht wärde nit di gesamten Dateie, sondern nur di uf de Dateie angwändete Operatione un di drzueghörige Date übertrage. Bechannti Dienscht sin z.B. NFS un SMB.
Literatur
- Douglas E. Comer: Computernetzwerke und Internets, Pearson Studium, ISBN 3-8273-7023-X
